Amaterasu

Si Amasterasu, bisto man sa Amaterasu Ōmikami (天照大御神, 天照大神) o Ōhirumi no Muchi no Kami (大日孁貴神), iyo an diyosa kan saldang sa mitolohiyang Hapones. Saro sa mayor na mga dios (kami) kan Shinto, siya ilinaladawan man sa kaenot-enoteng mga tekstong literaryo sa Hapon, an Kojiki (c. 712 CE) asin an Nihon Shoki (120 CE), bilang an tagapamahala (o saro sa mga tagapamahala) kan langitnon na rona na Takamagahara asin an osipon na apoon kan Imperial House nin Hapon sa paagi kan saiyang makuapong si Ninigi. Kaiba kan saiyang mga tugang, an dios kan bulan na si Tsukuyomi asin an simple sanang dios nin bagyo na si Susanoo, siya ibinibilang na saro sa "Three Precious Children" (三貴子, mihashira no uzu no miko / sankishi), an tolong pinakamahalagang aki kan kaglalang na dios na si Izanagi.

An pangenot na lugar nin pagsamba ni Amaterasu, an Dakulang Dambana kan Ise sa Ise, Prepekturang Mie, saro sa pinakaamay na lugar kan Shinto asin sarong mayor na sentro nin pilgrimahe asin lugar nin mga turista. Arog kan iba pang kamit nin Shinto, siya nalalaom man sa dakol na altar nin Shinto sa bilog na Hapon.